-- Advertisements --
TACLOBAN CITY — Mas gutiay an COVID-19 cases nga naitala durante han May 9 election tubtob 15 ha Sinirangan Bisayas kumpara naman ha ginlalauman nga ihap.
Sumala kan Jelyn Lopez-Malibago, tagapagyakan han Department of Health, Regional Office 8, ha nasabi nga petsa maabot ha 22 an nahipatik nga kaso han COVID-19 ha rehiyon.
Mas hitaas na ngadaw ini tikang dida han May 2 tubtob 8 pero kun igkukumpara ini han nakalabay nga mga bulan in minimal la an mao nga figure han mga nagpopositibo ha mao nga virus.
Naglalaum naman an mao nga buhatan nga magpadayon an nasabi nga trend o an paghabubo han ihap ngan deri na magpadayon an paghitaas han COVID-19 cases ha Siniringan Bisayas.
