-- Advertisements --
TACLOBAN CITY — Nakaghipatik an siyudad han Ormoc hin paghitaas han kaso hiton COVID-19 dida han naglabay nga mga adlaw.
Sumala kan John Kevin Pilapil, Information Officer han Ormoc City, pira ha ira ginhihingita nga mga rason hini amu an pagpahuruhukal han travel restrictions, pag atinder han mga mass gathering ngan an pagsulod-gawas han mga APOR ha ira siyudad.
Matungod hini in nakatalaan nga magdumara hin paghimangraw yana nga adlaw an alkalde han siyudad ngan City Health Office kasumpay han pagbubuhaton nga pitad agud nga diri magpadayon an paghinataas han positive cases.
Ginlalauman naman nga yana nga semana in magpapalusad hin panibago nga aludayday an Ormoc City base ha nagin rekomendasyon han health office.
