TACLOBAN CITY — Padayon an pagtikahabubo han COVID-19 cases ha Region 8 sumala hiton Department of Health (DOH) Regional Office 8 mahuman an pira kasemana nga gutiay la an naitatala nga ihap han mga natatapnan han mao nga virus.
Sumala kan Jelyn Lopez-Malibago, tagapagkayan han DOH Regional Office 8, dida han nakalabay nga semana in mayda la 17 nga naitala nga covid cases ha bug os nga rehiyon ngan ha pagkayana in mayda nala 28 nga mga active cases an rehiyon.
Kun dida han naglabay nga mga adlaw in kada-adlaw an ira pagpapagawas hin COVID-19 breifing in yana weekly na an ira pagpapagawas.
Naglalaum naman an mao nga buhatan nga magpapadayon pa an pagtikahabubo han COVID-19 cases ha rehiyon bisan ha kaluyo han mga gindudumara nga mga grand political rallies han mga nadalagan nga kandidato ha May 9 election.
