TACLOBAN CITY – Patay an usa nga construction worker mahuman ini nga pagpugutan hin Ulo ngan paguru-utdon pa an pira nga parte han iya lawas han iya la mismo kainom ha Barangay Culaba, Biliran.
Ginkilala an biktima nga hi Eduardo Roquitos, 30 anyos ngan naguukoy ha Bool East, Culaba samtang an suspek naman in mismo la kainum hini ngan bata han iya asawa nga ginkilala nga hi Roger Paje, 48 anyos, usa nga chainsaw operator.
Sumala kan P/Lt Isidoro Ancero Jr, Hepe han Culaba Police, nga una anay nga nag irignom an biktima ha panimalay han suspek kaupod pa an usa nira nga sangkay nga ginkilala nga hi Eduardo Cañete.
Tungod han kahubugan in nangaturog hi Roquitos ngan Cañete ha panimalay han suspek asya nga waray na ini nga makapansin nga kumuha hin chainsaw hi Paje.
Subay ha kapulisan nga nagigin bayolente daw an suspek ha kada nakakainom ini amo tungod liwat han sobra nga kahubugan in kumuha ini hin chainsaw ngan ginputol an ulo han biktima.
Waray pa ini makuntento in gin utod-utod pa an magkaduru dilain nga parte han lawas han biktima.
Samtang maswerte naman nga nakatakas hi Cañete ngan nakaaro hin bulig ha mga Kapulisan.
Dayun naman nga nadakop an suspek ngan yana in ginpasakahan hin kaso nga murder.
Sumala pa kan Ancero han mahimasmasan an suspek ha sakob han presuhan in gasi daw hini nga nagiinop la hiya nga may-ada hiya ginpupulod nga puno.
Pamatian ta pa an pamahayag ni P/Lt Isidoro Ancero Jr, Hepe han Culaba Police:
