TACLOBAN CITY – Ginpahibaro han Comelec Tacloban an publiko, partikular na adton waray makaparehistro han naglabay nga bulan han Hulyo matungod ha kagahol han oras ngan panahon han nakatalaan nga petsa han panrehistro para yana nga tuig nga election han Barangay level.
Sumala kan Atty. Ma. Gorette Cañas, Election Officer han Tacloban, nga pananglitan dire madayon an piniliay yana nga maabot nga Disyembre, dayon an ira buhatan nga mag-aabre hin panrehistro para han waray makahabol nga mga registrant.
Dugang pa han mao nga opisyal, hapagkayana in nagpapamulat pa hira hin pinal nga desisyon ha labaw nga ahensya kun madadayon an election para han SK ngan Barangay nga lebel.
Manunumduman, nga han nakalabay nga bulan damo nga mga botante an waray makaparehistro ilabi na ha katapusan nga adlaw han Hulyo 23, 2022 matungod nga gahol na ha oras ngan panahon.
