TACLOBAN CITY – Mas mahugot na ha pagkayana an pangandaman han Commission on Elections (COMELEC) Regional Office 8 para ha pagbubuhaton nga filing han certificate of candidacy han mga makandidato ha 2019 midterm elections.
Kasumpay hini in padayon an ginbubuhat nga panawagan ngan pahinumdom han COMELEC ha mga makandidato ha masunod nga eleksyon.
Sumala kan COMELEC 8 Regional Director Jose Nick Mendros, importante an pagsunod ha mga iginlatag nga mga protocol agud nga masiguro nga mahimyang ngan sistematiko an paghahaon han COC.
Dugang pa hini nga naghangyo na gihapon hira nga magkaada hin mga kapulisan ha kada COMELEC office para han seguridad han mga magfifile hin candidacy.
Nahibaruan nga magtitikang an COC filing ha maabot nga Oktubre 11-17 ngan diri hini kalakip iton Sabado ngan Dominggo.
