-- Advertisements --
NATIONAL NEWS– Nakatalaan nga ighatag han Commission on Election (COMELEC) ha Department of Education (DepEd) kumo donasyon an mga Starlink communication equipment nga ira gingamit han nakalabay nga midterm elections.
Ginpahayag ni COMELEC Chair George Garcia, nga ada ha 8,000 units nga Starlink an mayda hira han nakalabay nga piniliay.
Labot ha mga eskwelahan, pwede gamiton an nasabi nga mga kagamitan ha pira nga mga lokal nga Comelec offices ha magkalain-lain nga lugar ha nasud.
Ginbutang an nasabi nga equipment ha mga lugar kun diin mayda maluya nga signal han internet nga gingagamit ha pag-transmit han mga resulta han nakalabay nga eleksyon.
