TACLOBAN CITY – Nagpahinumdom an Commission on Elections (COMELEC) Regional Office 8 han mga aludayday nga kinahanglan nga sundon yana nga nagtikang na an election campaign period para han mga kandidato ha lokal nga posisyon.
Sumala kan Jenette Fariola- Ruedas, Information Officer han Comelec Regional Office 8, kinahanglan nga magsunod an mga local candidates han sakto nga pagplastar han mga ira mga campaign materials ha mga gintutugot nga common poster areas.
Utro hini nga ginpahinumdom nga gindidire an pagbubutang hin mga posters ha mga lamp post o poste hin kuryente, mga puno hin kahoy, mga pader han mga government owned properties, waiting shed ngan mga sarakyan nga gintatag-iyahan han gobyernp.
Labot pa hini in kinahanglan gihapon siguruhon han mga kandidato nga masusunod la gihapon an mga health protocols kontra COVID-19 ha ira pagdumara hin pangampanya o campaign rallies.
