NATIONAL–Ginpagawas ni International Criminal Court (ICC) Senior Trial Lawyer Julian Nicholls an mga co-perpretrators ha ginaalegar nga patayan han panahopn han termino kumo alkalde han Davao City ni anay Pangulong Rodrigo Duterte.
Ha syahan nga adlaw han confirmation of charges in ginpakita hine an papel ni Senador Ronald “Bato” Dela Rosa nga nagserbe nga hepe han Davao City Office han una.
Samtang, hi Senador Christopher “Bong” Go in nagin special assistant ngan adviser ni Duterte.
Kalakip gihapon ha mga gin ngaranan in hira anay Davao police chief Vicente Danao, anay National Bureau of Investigation (NBI) Davao Regional Director Dante Gierran ngan hi Atty. Vitaliano Aguirrre II.
Ha Document Containing the Charges (DCC) in ginpasa han prosecution nga ginpagawas naman han ICC han nakalabay nga mga semana kun diin hira Go, Dela Rosa, Danao, Gierran ngan Aguirre in gin ngaranan kumo co-perpretrators ha pagplano para ma-neutralize an mga kriminal ha pinaagi han pagpatay ha mga ine.
Kalakip gihapon ha dokumento kumo co-perpretrators in hira anay PNP Chief Oscar Albayalde ngan Isidro Lapena.
Dugang pa ni Nicholls nga mayada Sistema nga ginsusundan han una ni Duterte kun diin ginbug-os an Davao Death Squad (DDS).
Ginpahayag hine nga an papel han mga co-perpretrators in hira an nagpapaubos hin mando tikang kan Duterte agud nga buhaton an pagpatay nga an mga myembro in mga kapulisan sugad gihapon han mga hitmen nga nagbubuhat han pagpatay.
Ha ikaduha nga adlaw ng apagdungog in uusa-on han mga ICC prosecutors an pira nga mga detalye han mga kakuntsaba ni Duterte ha ginpapatuman hine nga war on drugs.
