NAG-TRENDING an American clothing company nga HercLeon mahuman nira ginpagawas an HercShirt V5.0, usa nga makabag-o nga t-shirt nga nagpapabilin nga waray baho bisan dire ini nalalabhan ha sakob han 30 ka-diyas.
An nasabi nga kompanya in nagpakilala gihapon han self-cleaning underwear pira ka-tuig na an nakakalabay, in naghimo naliwat hin usa nga pambihira nga disenyo.
Agud magpabilin nga waray hamot an bado hin maiha nga panahon, gumamit an kompanya hin pito nga special ingredient: copper, silver, zinc, gold, volcanic ash, ngan duha nga sikreto nga materyales.
Sumala ha HercLeon, ginpupugngan han copper an pagdamo han mga bacteria nga nagdudurot han baho, samtang ginpapatay han zinc an matatad-an nga sulfur compound tikang ha grabi nga pagbabalhas. Samtang an volcanic ash naman in nasupsop han kulob ngan baho sugad hiton mga aso nga baga-baga hin espongha.
Samtang nagkakantidad naman an nasabi nga bado hin $72 o P4,900 kun diin, ginlalauman nga magigin available ini ha Nobyembre ngan itom nga kolor an ira siyahan nga igpapagawas.
