CALBAYOG CITY – Nagpapadayon an pira nga mga eskwelahan ha siyudad hiton Calbayog an paglimpyo han ira mga klasrum nga naapektaran dida han nakalabay nga Bagyong Enteng.
Sumala kan Calbayog DepEd City Division Information Officer, Galina Verdeflor Panela nga basar han ira nakarawat nga radar report, maabot ha 9 nga mga eskwelahan ha Calbayog an nakapaghipatik hin minor, major, ngan totally damage nga mga klasrum mahitungod han pandestruso han nakalabay nga bagyo.
Dugang ni Panela nga nakikipagsumpayan na hira ha regional office agud makapagpadara an opisina hin kadugangan nga tawo nga mabulig ha paglimpyo ha mga eskwelahan ngan sugad man makapatindog hin mga temporaryo nga learning spaces agud makapagpadayon iton mga klase.
Samtang, waray na nira tuguti an pagpapagamit han mga klasrum nga nahipatik nga totally damage tungod nga posible an mga ini makaghatag hin kadelekaduhan ha mga magturutdo ngan estudyante mahitungod nga labot la nga daan in nadumog gihapon an mga ini tungod hiton baha.
Ha pagkayana in humubas na iton baha ha pira nga mga eskwelahan ha Calbayog kun diin, nagbubuhat na an mga ini hin klase. Waray naman nahipatik nga naapektaran nga mga estudyante, magturutdo, ngan pati gihapon iton pag-aram tungod han pandestruso han bagyo.
