TACLOBAN CITY – Ginpahibaro han City Health Office han Tacloban, nga maabot ha 260 cases an nahipatik nga kaso han Dengue dinhi ha syudad tikang han Enero-Agusto, nga bulan han presente nga tuig.
Sumala kan Dra. Gloria Fabrigas, Officer In-Charge City Health Office Tacloban City, an mao nga ihap in mas hitaas hin 21% kumpara han nakalabay nga tuig ha kaparehas nga period.
Ginpaangbit han nasabi nga Dra. nga an dengue in dire la makikit-an kun tag-uran an panahon, matungod nga waray ine ginpipili panahon.
Nagpahimatngon naman ine ha mga kag-anak nga magin alerto particular na ha ira mga panimalay, nga kun mahihimo ayaw pag-stock hin tubig ha mga surodlan ilabi na kun waray ine takop, matungod nga posible ine nga bonayan hiton mga lamok.
Ginmalatumat hine, nga an dengue in usa nga day-bite mosquito, karuyag sidngon ha aga nga mga lamok an mayda hitaas nga posibilidad nga mayda an mga ine dara nga virus.
Mababaruan, matatawag mangud nga virus an dengue, ngan kutob yana in waray pa ine nabibilngan nga bakuna kontra dengue.
Ha lain nga bahin, hapagkyana mangud in ginpailarom na an Ormoc City ha State of Calamity, matungod han paghitaas han kaso hiton dengue cases ha nasabi nga syudad.
