TACLOBAN CITY – Nagpahimatngun an City Government han Tacloban ha tanan nga mulopyo hini nga diri tumagya nga naubos na an kaso hiton COVID-19 ha siyudad.
![](https://img.bomboradyo.com/tacloban/2020/10/tacloban-city-hall.jpg)
Ini in mahuman nga maobserbaran nga damo na iton mga katawhan nga napakadto ha mga pambuliko nga lugar sugad ha mga resort ngan diri na nag oobserba hin social distancing.
Sumala kan Gemafiel Gaspay, Head han City Licensing Division, nga bisan man nga inmubos na iton kaso ha siyudad dako la gihapon an posibilidad nga utro ini nga maglarab kun padayon nga diri magsusunod ha mga health protocols an publiko.
Samtang, nagpahimatngun gihapon an siyudad ha mga tag iya hin beach resort nga posible an mga ini nga matanggalan hin business permit kun padayon nga magpapasulod hin damo nga mga guest bisan nga nakapailarom pa iton siyudad ha General Community Quarantine (GCQ).