TACLOBAN CITY- Maghahatag an City Government han Tacloban hin mga hinabang para ha mga nadarahigan han Bulkang Taal eruption ha may Batangas.
Sumala kan Sambo Yaokasin Vice Mayor hiton Tacloban City, nga ha bulig hiton magkadurudilain nga ahensya nga nagpadara ha ira buhatan, dako an naibulig hine sugad nala an bulig pinansyal, in gintirok han buhatan an pondo nga pwede ig hatag ha mga nadarahigan han Bulkang Taal eruption.
Dugang pa niya nga imbes nga cash assistance an ig panhatag in mga food packs, face mask, malimpyo nga tubig ngan iba pa, matungod nga ha pagkita han bise alkalde in mas kinahanglanon an mao nga mga butang han mga biktima han bulkang Taal.
Mababaruan nga ha tiarabot nga Byernes Enero 24, ig papadara an mao nga bulig para ha mga residente nga nan-bakwit ha evacuation center hiton Batangas.
