TACLOBAN CITY — Pormal na nga ginpasakahan hin kaso an usa nga media practitioner mahuman an gin-aalegar nga pagpakalat hin fake news kasumpay han usa nga namatay nga PUI ha Tacloban nga daw positibo ha COVID-19.
Sumala kan Major Dwayne Francis Ducducan, chief intel and investigation division han CIDG 8, nakipagkoordinar hira ha anti-cybercrime unit kun diin nakakuha hira hin mga ebidensya nga nagamit pagpasaka hin kaso ala kontra han mao nga media.
Kun mapapamatud-an nga guilty ini in maatubang ha penalidad nga 40,000 – 200,000 ngan kapresohan nga 6 ka bulan ngada 6 ka tuig nga kapresohan tungod ha pagtalapas han Republic Act 10951 ngan 10,000 – 100,000 nga penalidad ngan 2 ka bulan nga kapresohan tungod han pagtalapas liwat han Bayanihan to heal as one act.
Samtang, ha panig naman han mao nga media practitioner nagtotoo ini nga usa la nga puro nga harassment kontra ha iya an mao nga panhitabo.
Sumala kan Miriam Desacada, nga waray malisya an iya ginpost ngan diri gihapon daw ini makakagdurot hin danyus ha iba nga mga tawo.
Ginduon pa niya nga diri hiya maghihimo han mao nga impormasyon kun waray may gintitikangan nga source.
Ha pagkayana in gin-aandam naman daw niya an pagbubuhaton nga aksyon ha ginsalawad nga kaso ala kontra ha iya.
