NATIONAL NEWS– Nasipatan han Philippine Navy (PH NAVY) an usa nga warship nga gintatag-iyahan hiton People’s Republic of China ha Panata Island ha West Philippine Sea (WPS) yana nga adlaw hiton Hunyo 6.
Subay ha report nakit-an nira an Ma’anshan Jiangkai II-class frigate han People’s Liberation Army nga mayda bow no. 525 ha kadagatan han WPS samtang nagdudumara an mga ine hin pagpapatrolya.
Ginbabana-bana nga mayda ine kahirayuon nga 4.6 nautical miles tikang ha BRP Andres Bonifacio nga gamit han PH Navy para han ira maritime patrols.
Sumala kan Armed Forces of the Philippines (AFP) Public Affairs Office (PAO) Chief Col. Xerxes Trinidad, umabot hin 3 ka beses naghatag hin warning signal ha nasabi nga warship pinaagi hiton radio challenge kun diin nagpapakita ine hin madig-on nga paninindugan ha ira han-ay nga protiheran an soberanya ngan exclusive economic zone (EEZ) han nasud Pilipinas.
