NATIONAL – Posible nga nag-iispiya an Chinese research vessel nga nasipatan ha Babuyan Island, subay ine ha US maritime expert nga hi Ray Powell.
Una na nga ginkumpirma ni Philippine Coast Guard (PCG) spokesperson for the West Philippine Sea (WPS) Comm. Jay Tarriela nga nasipatan an Chinese research vessel nga Xiang Yang Hong 05 ha distansiya nga 14.92 nautical miles tikang ha Babuyan Island.
Ginmalatumat ni Powell nga samtang harani ha lugar an nasabi nga barko han China naobserbaran an paghinay han gios hine ha butnga hiton territorial sea, katundan nga parte han Babuyan Island, pero waray naman ine magdumara hin survey ha sulod han exclusive economic zone (EEZ) han Pilipinas.
Nagpapakita naman ine nga ginsisingabot han research vessel an higayon para makabiling hin intelligence samtang naagi ha nasabi nga lugar.
