NATIONAL – Nanindugan an negosyante nga hi Cassandra Li Ong nga hiya in waray kalabotan ha ilegal nga operasyon han Philippine Offshore Gaming Operator o POGO ha nasod ngan an real estate la an iya negosyo.
Subay ha nagin pahayag ni Ong ha igin dumara nga Senate hearing, hiya in uyab ni Wesley Guo nga bugto ni anay Bamban, Tarlac Mayor Alice Guo.
Pag-isplikar hini, han una nga panahon in uusa la an tag-iya han Whirlwind ngan Lucky South 99, kun diin an Lucky South an siyahan nga nakagparehistro ha Securities and Exchange Commission.
Samtang, gin klaro gihapon ni Ong nga diri hira close ni Alice Guo, bisan bugto pa ini han iya uyab nga hi Wesley Guo.
Manunumduman nga padayon nga gin iimbestigaran yana han mga otoridad an Whirlwind ngan Lucky South 99 mahitungod han ilegal nga mga buruhaton hini.
