NATIONAL – Ginkumpirma han buhatan han National Food Authority nga ginpahitaas na nira an buying price han wet palay ha pira nga rehiyon ha nasud.
Mahitungod hini in ginaaghat na han ahensya na mga parag-uma particular an mga parag-uma ha Ilocos, Cagayan Valley, ngan Central Luzon nga igbaligya an ira mga ginharvest nga humay han direkta ha ira ahensya.
Sumala ha NFA, maabot na yana ha P19 kada kilo an bag-o nga harvest nga humay ha mga nasabi nga rehiyon ha Pilipinas.
Ini in tikang ha anay P18 kada kilo kun diin, ini an pinakahamubo nga baligya ha bag-o nga harvest hiton wet palay.
Target han NFA nga makapalit yana nga tuig hin 545,000 metriko tonelada hin humay agud magpabilin an 9-day supply.
Samtang, maabot naman ha 880,000 metriko tonelada an target nga mapalit agud maabot an 15 ka-adlaw nga pankinahanglan nga konsumo han bug-os nga nasud.
