-- Advertisements --
TACLOBAN CITY – Ginpapagplanuhan han Provincial Government han Leyte an paghihimo hin Global City ha bungto naman han Palo nga makakadugang ha pagdukwag pa han ekonomiya han probinsya.
Durante han regular session han Sangguniang Panlalawigan in ginpresentar ngan iginpropose ini nga mga plano nga posible igtukod ha sulod han 76hectares nga panag-iyahan han probinsya.
Lakip ha mga plano in paghihimo hin karsada nga tikang ha Leyte Provincial Complex tikadto naman ha Government Center, Palo nga maagi ha Special Economic Zone han bungto.
Makakadugang ngan makakag aghat ini ha mga investors nga magtindog hin mga negosyo nga makakahatag naman hin mga oportunidad ha panrabahuan.
