-- Advertisements --
TACLOBAN CITY – Nagpapabilin nga COVID free an bungto han MacArthur ha probinsya han Leyte.
Sumala kan Mayor Rudin Babante, nga mapasinamalaton hiya matungod pira na kabulan an naglabay tikang han sumulod ha rehiyon an COVID-19 pero nagpapabilin la gihapon nga talwas an ira bungto tikang ha mao nga virus.
Ha luyo hini in diri naman daw hira nagpapakampante labi na nga ha masunod nga mga adlaw in matikang na naman an pagkaabot han mga LSIs.
Sugadman padayon daw la gihapon an ira pagsunod ha mga health protocols ngan pagsigurado nga an tanan han mga mangunguli ha ira munisipalidad in mapapailrom anay ha rapid test ngan strikto nga isolation.
