TACLOBAN CITY- Malipayon nga guindeklara han Bureau of Fisheries and Aquatic Resources (BFAR) ha mga local government units (LGU) nga negatibo na ha red tide toxins an kadagatan han bug-os nga Sinirangan Bisayas.
Ini in basi ha Shellfish Bulletin # 17 nga guinpagawas dida han nakalabay nga adlaw.
Talwas na ha red tide an Matarinao Bay ha Eastern Samar; Cambatutay, Maqueda, Irong-Irong, Villareal Bays ngan Daram Island ha Western Samar; San Pedro ngan Cancabato Bays ha Tacloban City ngan coastal waters han Carigara, Calubian ngan Leyte ha probinsya han Leyte ngan sugad man an kadagatan ha probinsya han Biliran.
Manunumduman nga humagos hin pira ka bulan an red tide ha Rehiyon 8 kun diin nagbilin ini hin pira nga patay mahuman nga nahiluan han guinkaon nga tahong nga apektado han mao nga toxin.
