NATIONAL – Nagdumara an Bangko Sentral ng Pilipinas (BSP) hin mga briefing kasumpay ha mga regulasyon ha foreign exchange (FX) ha bug-os nga nasud kasumpay han serye han mga FX liberalization reforms nga igin pagawas dida han mga nakalabay nga tuig.
An mga FX briefing, nga nagtikang dida han Hunyo 2024, in gindumara ha mga sangay nga BSP ha mga syudad han Batac, Zamboanga, Cagayan de Oro, Puerto Princesa, Dumaguete, ngan Roxas ngan gin atenderan han mga tinaglawas han lokal nga mga bangko, mga asosasyon ha industriya, mga nage-export, ngan mga tawuhan han sangay han BSP.
An information campaign in pinangunahan han International Monetary Affairs and Surveillance Sub-Sector ngan International Operations Department han BSP.
Kaupod gihapon ha mga nasabi nga aktibidad an mga presentasyon kasumpay ha mga di pala maiha nga development ha ekonomiya ngan mga update ha Association of Southeast Asian Nations (ASEAN) monetary ngan financial cooperation ngan integration nga offer han Department of Economic Research ngan International Relations and Surveillance Department ng BSP.
An BSP in nagdumara na gihapon hin mga virtual nga FX briefing ha BSP Head Office dida han 2024.
An mga virtual briefing in gin atenderan han mga compliance officer han mga bangko ngan mga tinaglawas han asosasyon ha industriya.
