-- Advertisements --
Iginkasubo han mga fans ni Emma Raducanu han United Kingdom an kadire hini pagkagmulay ha Wimbledon yana nga tuig mahuman kumpirmahon nga hiya in mayda stress fracture ha ubos nga parte han iya paa.
An 23-anyos nga player, nga nakatalaan atubangon hi Antonia Ruzic han Croatia ha syahan nga round, in seeded 30 ha torneo.
Sumala kan Raducanu, ginbuhat niya an ngatanan agud makagtikang pero an gin aabat niya nga “niggle” in dumuro mahuman an katapusan nga medical scan.
Gin abisuhan hiya han mga doktor nga dire na igpadayon an pagmulay agud maibanan an mas duro nga danyos.
Hi Raducanu, nga kilala kumo British number one ngan kampeon han US Open dida 2021, in ginlalauman nga mapahuway ngan magpapaupay ugsa utro nga bumalik ha kompetisyon.
