TACLOBAN CITY– Malipayon nga ginpahayag han buhatan han BJMP nga nagpapadayon la gihapon nga COVID-free an tanan nga mga jail facility ha rehiyon.
Ine in matungod ha mahugot nga mga protocols nga ginpapatuman han BJMP ha sakob han pasilidad.
Sumala kan Jail Chief Superintendent Edwin Reil Regional Director BJMP Regional Office 8,usa ha pagpamatood hine in ira ginrerequire an mga inmates nga igbabalhin tikang ha PNP nga igpailarom ha test ngan igaagi ha triage ngan pagsakob ha pasilidad in dire la anay ine igtatampo ha kadam-an o igiisolate ha sakob hin 14 diyas.
Dire mangud daw nalilikayan an pagdurugkot ha sakob hiton jail facility matungod ha damo nga mga inmates nga pwedi maging hinungdan han pagkapatapon tapon han mao nga virus.
Ginduduso naman nira an pagsunod ha mga non pharmateuticals nga pamaagi han paglikay han virus sugad han pagsul-ot han face mask ngan permi nga paghunaw ngan mayda gihapon hira ginbubuhat nga information drive ha pagimpormar ha ira ha mga nanabo ha gawas.
Hapagkayana in waray pa naman gintutugutan nga dalaw ngan ginpapamulat pa an magiging desisyon han national headquarters.
