-- Advertisements --
INTERNATIONAL – Opisyal na nga Cardinal han Singbahan Katoliko hi Kalookan Bishop Virgilio “Ambo” David.
Dida han Disyembre 7, hi David in pormal nga kumarawat han iya bag-o nga katungdanan ha atubangan ni Pope Francis ha Vatican dida han seremonya nga tinatawag nga Consistory.
Tungod hini, hi David in lakip na yana han mga Cardinal nga maghahatag hin kasalagdunan ha Santo Papa ngan mapartisipar ha pagpili ha masunod nga lider han Singbahan Katoliko.
Dida han seremonya, ginkarawat hi David an “red hat” tikang kan Pope Francis nga simbolo nga akos niya pag-alay han kinabuhi para han pagtoo ha Ginoo.
An taga Pampanga nga Obispo an ika-napulo nga Cardinal tikang ha Pilipinas.
