-- Advertisements --
INTERNATIONAL – Utro nga nagkahimangraw ha telepono hi United States President Joe Biden ngan Israeli Prime Minister Benjamin Netanyahu.
Subay han White House nga ginpaghisgutan han duha nga lider an proseso han negosasyon, sugad han hingyap han Israel nga buhi-an na an mga ginhostage han Hamas militants.
Basar ha iginduduso nga kasabotan ni Biden han nakalabay nga Mayo, kinahanglan nga magkaada dayon hin ceasefire ngan madugngan an mga humanitarian aid nga makasulod ha Gaza.
Samtang, ginpasalamatan ni Netanyahu hi Biden ngan an masaliwan nga hi President Donald Trump mahitungod ha waray undang nga pagduduso han kamurayawan ha Gaza ngan Israel.
