TACLOBAN CITY — Padayon an gindudumara nga monitoring han Bureau of Fisheries and Aquatic Resources (BFAR) Regional Office 8 ha mga baybayon ha Sinirangang Bisayas nga nagpapabilin nga apektado han red tide toxins.
Sumala kan Dr. Juan Albaladejo, Regional Director han BFAR Regional Office 8, positibo la gihapon ha red tide an Cancabato Bay ha Tacloban City, Matarinao Bay ha General MacArthur Hernani, Quinapondan ngan Salcedo, Eastern Samar ngan sugadman an Carigara Bay ha Babatngon, San Miguel, Barugo, Carigara ngan Capoocan, Leyte.
Samtang, pinakasyahan naman nga higayon yana nga tuig nahipatik an red tide warning ha coastal waters han Guiuan, Eastern Samar.
Kasumpay hini in mahugot nga gindidiri an pagkuha, pagbaligya, pagpalit ngan pagkaon han tanan nga klase hin shellfish ngan sugadman an hipon o alamang tikang ha mao nga mga baybayon.
