TACLOBAN CITY – Gin eksplikar han Bureau of Fisheries and Aquatic Resources o kun BFAR Regional Office 8 an pinagkaibahan han Local Red Tide Advisory ngan an Shellfish bulletin nga pareho ginpapagawas ngan ginpapasamwak han mao nga buhatan.
Sumala kan Christine Gresola, Information Officer hitun BFAR-8 nga importante nga maintindihan han mga katawhan an pinagkaiba han duduha agud nga diri malipat.
An Shellfish Bulletin in tikang ha Central Office han BFAR nga kun diin, naghahatag ini hin katugutan an nga tanan nga law enforcement agencies kaupod an BFAR nga kompiskaron an klase hitun tahong, hipon ngan iba pa nga mga shellfish.
Samtang an Local Red Tide Advisory naman in usa nga precautionary measures, diri pa ini sulod o lakip ha Shellfish Bulletin pero ira gin aaghat nga diri na kumaon pa hin iba nga klase hin panti-on kun tikang naman ha usa nga area.
Dugang pa hini nga puydi gihapon umaro an mamaralit hin auxiliary invoice ha mga nagtitinda hin isda agud nga mabaruan kun tikang diin ini ngan kun an mao nga lugar in aada ha ilarom hitun Red Tide Advisory.
