ODD NEWS– Usa nga 11-anyos nga bata ha England an nakapagtala hin world record matungod ha kadagmit hine nga magparot hin Mandarin orange!
Ginkumpirma ine han records keeping organization nga Guinness World Records nga hi Taylor Camp, an pinakabag-o nga record holder han titulo nga “Most Mandarins Peeled in One Minute (under 16 years old)”. Ine in mahuman nga mahuman niya parutan an upat nga mandarin orange ha sulod la hin 1 ka-minuto.
Ginpalabas hin live an record attempt ni Camp, ha online program nga Dave Berry Breakfast Show.
Ha mga practice run ni Camp, nahimo niya nga makapgparot hin 8 nga orange pero han igsalang na hiya ha on-air actual attempt, upat la an iya na-akos nga parutan.
Subay ha nanay ni Camp, nagin eksperto ha pagparot an iya anak matungod nga agsob hira mayda mandarin orange ha ira balay ha kaluyo nga paborito ine han iya anak.
