ODD NEWS- Usa nga ginbabaligya nga 2 bedroom house nga aadto ha Yogyakarta,Indonesia an mayda kakaiba nga bunos nga hatag ha makakapalit hine.
Imbes mangud nga furniture o iba pa nga gamit ha balay in libre nga asawa an kaupod han balay nga nagkakantidad hin P3.3 milyon.
Seryoso ha iya offer han 40 anyos nga hi Wina Lia nga asya an tag iya han balay ngan 15 katuig na nga biyuda.
Han siyahan in an pagbabaligya la han balay an plano ni Wina sumakob la ha iya huna huna nga igoffer an iya kalugaringon kumo asawa han usa kabeses maistorya niya ha ahente nga nagbibiling hin buyer han iya balay nga gusto niya ma-ikasal otro.
Nahuna-hunaan han ahente nga ibutang ha advertisement nga ginbabaligya an balay ni Wina kaupod gihapon hi Wina.
Sugadman nga ginbuhat la ine han ahente para mapansin an mga ads in waray naman tumipa hine hi Wina matungod nga gusto talaga niya ikasal otro.
Naging epektibo naman an nahuna-hunaan nga gimik han ahente matungod nga nagviral an ads para ha ginbabaligya nga balay ni Wina.
Naglalaum naman ine nga maupay nga lalaki an iya otro nga ma-asawa matungod nga kumagat ine ha iya offer.
