TACLOBAN CITY – Usa nga balay ha Brgy. Bobonon, Alangalang, Leyte an ginsaka hin kawatan kun diin nakadara ine hin sobra P400,000 nga kantidad hin salapi.
Sumala kan PMaj. Joshua Bien Chiquillo, Chief of Police hiton Alang-alang Municipal Police Station, nahitabo an pangawat dida han maagahon ha butnga han ala-1:30 ngada han alas-3 han maagahon.
Basar han imbestigasyon, nakaturog an biktima ha kaluyo nga kwarto hine han sumaka liwat an kawatan ha kaluyo nga kwarto han ginkakaturugan han biktima ngan namiling han pwede hine makawat.
An pouch kun diin nakabutangtang an nasabi nga kantidad in nabayaan hine ha ubos han ira balay, dara han duro nga kakapoy ha trabaho in nahingalimtan han biktima nga dad-on an pouch ha iya kwarto rason nga nadara ine han suspek.
Waray naman CCTV ha nasabi nga area sanglit waray pa katutudlok an suspek.
Ha pagkayana in padayon pa an imbestigasyon han mga otoridad kasumpay han insidente han pangawat agud matudlok an suspek.
