Maiha na nga kalakip han French cuisine an tinapay nga croissant ngan bisan san-o in waray ini magin kontrobersiyal.
Pero baga-baga hin gin bag-o ini han usa nga sikat nga panaderya ha Thailand mahitungod ha ira igin pagawas nga “hairy croissants”.
Subay kan Arthit Chomsawat, tag iya han sikat nga Saiwan Bake House ha Pattaya, an nagti-trend nira nga tinapay in basar ha ira usa pa nga pastry nga gin tawag nga “hairy cake”. Kun diin, madagmit nga nag-viral ha iba-iba nga nasud an ira mga croissant mahuman ini ipagawas han usa nga French media outlet.
Gin butangan ini ha babaw hin fat choy o itom nga seaweed agud mag serbi kumo buhok ngan an kasagaran gin gagamit ha mga Asian cuisine.
Mahitungod hini, an hairy croissant in nagdurot hin mapaso nga debate ha social media. Para ha iba, diri maupay an hitsura hini mahitungod ha kakaiba nga pagkakahawig han lumot ha pubic hair. An iba naman in nalipay ha nakakaliaw nga intrimes sugad man gin tagan pagkilala an panaderya mahitungod ha pagigin creative ngan orihinal.
Ha kaluyo han hal-halo nga reaksiyon ngan sukna, baga hin tinuod ngahaw an darawhanon “good or bad publicity is still publicity.”
Ha pagkayana in padayona gihap nga madagmit nauubos ngan masurong an mga mabuhok nga croissant mahitungod nga gin dadayo ini yana ha Saiwan Bake House han mga open-minded nga lokal ngan mga turista nga naiintriga ngan karuyag pruybahan an kakaiba nga tinapay.
