TACLOBAN CITY – Nakatalaan abrihan an bag-o ngan pinakasiyahan nga LGU-funded hospital han Barugo, Leyte kun diin, pagbubuhaton an ceremonial blessing yana nga Nobyembre 4, 2024.
Sumala kan Barugo, Leyte Mayor Dr. Aron Balais nga an mao nga ospital in makakaghatag hin mas maupay nga serbisyo panlawas ha mga residente ngan sugad man mas accessable ngan hirani nga ospital, kaupod an mga magkarit nga healthcare personnel ngan mga bag-o nga kagamitan pan medikal ngan pasilidad.
Dugang pa hine nga an Barugo Municipal Hospital in magmamarka kumo usa nga historic milestone para ha mao nga bungto. Ini nga bag-o nga ospital nga han hadi usa la nga imposible nga hingyap, in natindog na kumo tugon han paglaum, pagkaurusa, paghigugma ngan tangkod nga pagserbisyo han tanan ha Barugo.
Ginpasalamatan naman ni Mayor Balais an tanan nga mga indibidwal ngan mga lider nga nagburublig agud magin reyalidad an mao nga ospital.
Samtang, gin i-imbetaran naman han alkalde an tanan nga residente han Barugo nga makig-urusa ha mao nga seremonya ngan kitaon an bag-o nga tindog nga ospital.
