Gin malatumat ni US Vice President JD Vance nga nagkaada hin “substantive discussions” pero waray ginkasarabutan nga sabot ha nahinabo nga pag iristurya ha butnga han Estados Unidos ngan Iran kanit ha pagpapahilawig han ceasefire Islamabad, Pakistan.
An meeting in nag iha hin subra 21 oras tikang Abril 11 kutob Abril 12, 2026, nga gin atenderan han mga representante han Estados Unidos, Iran, at Pakistan.
Kaupod ha delegasyon han Amerika hi US special envoy Steve Witkoff ngan hi Jared Kushner, umagad ni Pangulong Donald Trump.
Panuyuan han nasabi nga negosasyon nga mas pagpahilawigon an ceasfire nga igin patuman dida han Pebrero 28 ha ilarom han Operation Epic Fury, mahuman an unom ka semana nga gyera kontra Iran nga nagdurot hin dako nga kaguba han mga imprastraktura ug krisis ha ekonomiya.
Kaupod ha mga sensitibo nga gin iristuryahan an uranium enrichment program han Iran, seguridad ha Strait of Hormuz, ug mga kondisyon para ha mas madig-on nga ceasefire.
Ha kaluyo han pakyas nga pagsarabot, nagpapabilin nga abre an posibilidad han panibag-o nga round han pag-iristurya ha mga masunod nga semana.
