WASHINGTON D.C., USA – Ginanunsiyo ni US President Donald Trump nga an mga import tikang ha mga nasud nga naghahatag hin military weapons ha Iran in ira papasakahan hin 50% nga taripa, hin waray exception.
Ginhimo ni Trump an anunsyo ha iya Truth Social pira ka-oras mahuman an kasarabutan ha duha ka-semana nga ceasefire ha Iran.
Waray naman gintudlok ni Trump kun ano nga legal authority an iya gagamiton agud ipatuman an taripa, mahuman tanggalon han Supreme Court of the United States dida han Pebrero an paggamit niya hin International Emergency Economic Power Act agud magpasaka hin global tariffs.
Mahitungod hini ginmando han korte an refund nga $166 billion nga nakolekta han Amerika ha sakob han usa ka-tuig.
An IEEPA law in gingagamit na tikang han 1977 agud suportaran an mga financial sanctions kontra ha Iran, Russia, ngan North Korea, pero gintutudlok han korte nga tumapalas hi Trump ha paggamit hini para ha trade tariffs.
