TACLOBAN CITY – Patay an usa nga babaye mahuman nga pagbuno buno-on han ira house helper ha siyudad han Tacloban.
Ginkilala an biktima kan Retchelyn Ganade.
Samtang nakilala naman an suspek nga hi Ronnie Dela Cruz, residente han Babatngon Leyte ngan presente nga nagtratrabaho ha pamilya han biktima.
Sumala kan PLt. Concas Castillo, Deputy Station Commander han Abucay Station 2/ Kawayan PCP, nga nadiskubrehan nala han nanay han biktima nga waray na ini kinabuhi samtang nahigda ha ira sala ngan may 3 nga binun-an ha iya lawas.
Dayon naman nga iginreport ha mga otoridad an mao nga insidente ngan samtang nagdudumara hin imbestigasyon an mga kapulisan in umamin an suspek nga hiya an nagbuno-buno ha biktima tungod daw ha kangaralson nga pirmi hiya gin iinisogan hini.
Subay naman ha kag-anak han biktima nga 7 ka tuig na nga nagtratrabaho an mao nga suspek ha ira pamilya ngan nahisabutan nira nga ini daw in nagpipina nguyab ha ira anak.
Ha pagkayana in adto na ha kustodiya han mga kapulisan an mao nga suspek nga nakatalaan nga pasakahan hin kaso nga murder.
