ODD – Usa nga babaye ha Bangladesh an nakaghipatik hin world record mahitungod ha abilidad hine nga puruton ngan kaunon tag usa-usa ngan hin madagmit an mga mumo han kan-on gamit an chopsticks.
Gin kumpirma han records keeping organization nga Guinness World Records nga hi Sumaiya Khan an pinakabag-o nga record holder han titulo nga “Most Rice Grains Eaten in One Minute Using Chopsticks”. Ine in mahuman nga makakaon hin 37 nga mumo hin kan-on gamit an chopstick ha sulod han usa kaminuto.
Nahibaruan ni Khan an iya talento han mapansin han iya ka-opisina an kadagmit niya ha pagkaon han kan-on ngan igin rekomenda hine nga pwede niya mabuong an record nga dati in ada la ha 27 nga mumo.
Sumala kan Khan, nahibaro hiya mag-chopsticks mahitungod ha hilig niya ha pagkinita hin Korean dramas.
