ODD NEWS-Waray gipipili nga lugar ngan panahon an disgrasya, usa ha nagpamatood hine in an usa nga babaye ha Louisiana.
Dire nakakatood hi Lakeisa Brooks, 33 anyos ha natabo ha iya ha sakob han usa nga supermarket, ine in matungod nga naigo hiya hin kidlat.
Sumala kan Brooks nga nakapila hiya para magbayad ha cashier han makit-an niya an flash hin lamrag ngan kasunod hin makusog nga tunog, ha ikaduha nga higayon otro hine nga nakita an flash ngan nakabati hin makusog nga tunog ngan matungod ha iya kahadlok in naiduso niya an shopping cart ngan ngada la niya karealized nga hiya ngay-an an naigo han kidlat.
Dire daw hiya nakakagios ha iya ginkakatukdawan kasunod an pagsakit han iya bug-os nga lawas matungod daw ha kakusog han kidlat in waray na niya mahinumdumi an mga sumunod nga panhitabo.
Dayon naman hiya nga gindara han mga nakalerto nga bombero ngan pulis nga nakada ha mao nga lugar.
Sumala kan Brook nga dire daw niya ginlalauman nga pati ha sakob hiton supermarket in pwedi hiya maigo hin kidlat ngan iya narealize nga bisan diin in dire ngay-an talwas ha kidlat.
Nagpapasalamat naman ine nga nakatalwas hiya tikang ha kamatayon.
