ODD NEWS – Usa nga ayam ha California an usa na yana nga Guinness World Record title holder mahitungod han iya halaba nga pirok nga mga kahalaba nga 7 inches.
An ayam nga hi Coco in alaga han mag-asawa nga hira Rachelle Parks ngan Michael Babich. Ine in mayda breed nga “Newfypoo”, usa nga mixbreed hin Newfoundland ngan Poodle.
Para makasigurado nga sulod ha Guinness an pirok ni Coco in tulo ine kabeses nga ginsukol han mga veterinarian. Labot la nga nakumpirma nga mayda ine pito kapulgada nga pirok in nasigurado gihapon nga natural an pagigin halaba hine nga waray gamiti hin bisan anu mga medisina.
Sumala kanda Rachel Parks, napansin nira an kakaiba nga klase ni Coco han pakianhan hira han groomer hine kun papautdan ba an pirok hine, nalipay naman an mga ine ha hitsura ni Coco nga halaba an pirok sanglit nga ira la ine ginpa mintinar.
An world record title nga “Longest Eyelash on a Dog” in siyam katuig nga kapot han usa nga Labra-doodle ha Japan nga an pirok in may kahalaba nga 6.69. ngan han nakalabay nga tuig 2023, in nakuha ni Coco an nasabi nga titulo ngan ginlalauman an mga fur parents hine nga mamementinar hine an nasabi nga titulo.
