ODD NEWS: Usa nga 32-anyos nga American athlete an nakaghipatik hin world record ha sports nga skateboarding ha kaluyo han iya kabutang.
Ginkumpirma han records keeping organization nga Guinness World Records nga hi Kanya Sesser an pinakabag-o nga world record holder ha titulo nga “Longest Handstand on Skateboard” mahuman ine nga makag-balanse gamit an iya mga kamot ha usa nga skateboard ha sulod hin 19.65 seconds.
Iginpanganak hi Kanya dida han 1992 ha Pak, Chong, Thailand nga waray mga pa-a. Ginbayaan ine han iya mga kag-anak ha usa nga Buddhist temple para igpaampon ha mga monghe.
Singko anyos ine han ampunon han mag-asawa nga Amerikano ngan gindara ha Portland, Oregon. Ginpadako hi Kanya han iya adoptive parents nga magin cheeful ngan confident ha kaluyo han iya kabutang,
Labot ha skateboarding, nagin membro gihapon han cheerleading team hi Kanya ngan nakigtumparak gihapon ha sports nga wheelchair track racing.
