-- Advertisements --
TACLOBAN CITY – Ginsuspender la anay an pangulpot han mga Locally Stranded Individual (LSI) ha probinsiya han Northern Samar ha sakob hin 14 diyas.
Ine in matungod han tigda nga pagdamo han kaso han COVID-19 ha mao nga probinsiya.
Sumala kan Jhon Allen Berbon, Information Officer han probinsiya han Northern Samar, an mao nga suspension in nagtikang dida han Oktubre 20 ngan mahuhuman dida hiton Nobyembre 4,2020.
Mababaruan nga ha sakob la hin usa kaadlaw in nakaghipatik an mao nga probinsiya hin 37 nga bag-o nga kaso han COVID-19.
