Gin suportahan ni Archbishop of Canterbury Sarah Mullally hi Pope Leo XIV kasumpay han panawagan nga pankahimyangan para ha ngatanan han nasud ha kalibutan.
“I stand with my brother in Christ, His Holiness Pope Leo XIV, in his courageous call for a kingdom of peace,” sumala kan Mullally.
Mahitungod hini, gin aghat han opispo an 85 milyon nga Anglicans ha bug-os nga kalibutan nga magyakan para ha kahimyangan, kasunod han mga serye han pambabatikos ni US President Donald Trump ha Santo Papa mahitungod ha iya pagsukna ha kasamok ha Iran.
Gintagan-duon ni Mullaly an duro nga epekto han kasamok ha mga sibilya, kaupod an pagkamatay han mga inosente, pagkaruba han mga pamilya, ngan pagkarawara han kabubwason han kadam-an.
Samtang, syahan na nga ginkondena ni Pope Leo XIV an mga lider nga nagastos hin yinukot-yukot nga dolyares para ha kasamok, ngan ginmalatumat nga dire ginrerespeto han pira nga may kapas nga lider an kalibutan.
Ginsukna gihapon han Santo Papa an paggamit han relihiyon kumo rason han kasamok.
Ha lain nga bahin, syana nga gintawag ni Trump ni Pope Leo nga “Weak on Crime,” ngan “Terrible for Foreign Policy” ha usa nga social media post.
