NATIONAL- Nadabi ha hearing han Senado kasumpay hiton korapsyon ha flood control project hi anay House Speaker Ferdinand Martin Romualdez.
Lumantad ha imbestigasyon han Senate Blue Ribbon Committee hi Orly Regala Guteza, anay sundalo ngan security consultant ni Congressman Elizaldy Co.
Gin-amin ni Guteza nga an mga maleta in gintatawag niya nga “basura,” nga may sulod nga sakapi nga ira gindedeliver ha balay nira Co ngan Romualdez.
Subay ha iya, kada maleta in may sulod nga sobra kumulang P48 milyon.
Nakumpirma hine nga tinuod nga salapi an sulod han makit-an niya nga gin-abrehan ine han executive assistant ni Co.
Dugang pa ni Guteza nga kun may “duty detailed basura,” hira in napakadto ha balay ni Co ha Valle Verde, Pasig City, ngan ginkakarawat ine nira John Paul Estrada ngan Mark Tecsay, an mga executive assistant han kongresista.
Ginpahayag ni Guteza an pagkakadabi ni ACT-CIS Partylist Rep. Eric Yap, nga anay nagdara hin 46 nga maleta ha balay ni Co, ngan tikang hine, direkta nga gindadara ha unit han kongresista ha Horizon Residences.
Sumala pa kan Guteza, an salapi in nagtitikang ha mga proyekto nga nagdudurot hin baha ngan kadelikaduhan ha edukasyon ngan serbisyong medikal.
