TACLOBAN CITY – Naghatag han iya punto hi Edgar Mary Sarmiento, Former Rep. 1st District Samar, ha kahuhuman la nga State of the Nation Address ni Pangulong Ferdinand Marcos Jr.
Sumala kan Edgar Mary Sarmiento Former Rep. 1st District Samar, nga suportado niya kun anuman an disisyon han Presidente, usa na dinhi an pag total ban han POGO ha nasud, kun diin gintagan nala ine kutob ha katapusan hiton tuig.
Dugang pa hine, damo na mangud nga ilegal nga buruhaton nadadabi an pag-operate han POGO ha nasud, kun diin dabi ine ha financial scamming, money laundering, prostitution, human trafficking, kidnapping, torture ngan murder.
Mababaruan, nga ha kaluyo nga ig-tototal ban an POGO, ginmando han Presidente ha DOLE nga bilngan hin mga bag-o nga trabaho an mga ma-aapektaran nga mga empleyado.
Abuyon hi anay Rep. Sarmiento, ha pag depensar ha nasud Pilipinas ni Pangulong
Ferdinand Marcos Jr. ha katungod han Pilipino ha West Philippine Sea.
Ha nagin patapod han Pangulo nga dedepensaran an katungod ha West Philippine Sea, naglalaom iton anay opisyal nga matutuman ine, matungod nga damo an naglalaom, partikular na an mga nakatudlok ha pagkayana ngan mga paru-pangisda ha nasabi nga West Philippine Sea.
