-- Advertisements --
TACLOBAN CITY — Dakop ha kaso nga murder an anak han alkalde han San Jorge, Samar nga hi Mayor Joseph Grey ha gindumara nga operasyon ha Balihai Subdivision, Brgy. Buhay Na Tubig, Imus City, Cavite.
Nakilala an suspek kan Francis Bernales Grey, 38 anyos ngan residente han mao nga lugar.
Nahibaruan nga an mao nga suspek in ginpalusaran na hin warrant of arrest ni Judge Feliciano P. Aguilar han Regional Trial Court (RTC) Branch 41 han Gandara Samar.
Hiya in gin-aalegar nga responsible ha pagkamatay ni Brgy. Captain Romulo Barcoma dida han February 2016.
Ha pagkayana in nakapaslak na an mao nga suspek ngan naatubang na ha kaso nga murder.
