TACLOBAN CITY – Maswerte nga nakatalwas an usa nga alkalde ngan an 19 hine nga mga kaupod mahuman nga mabalikad an ginsasakyan hine nga sakayan pandagat ha dagat nga sakop han Sto.Niño,ha Samar.
Sumala kan Lt. Junior Grade Wilkey Homer Saga Station Commander han Philippine Coast Guard Western Samar, nga tiuli na kunta an mao nga alkalde han Almagro Samar nga hi Amelia Caño kaupod an 19 nga pasahero tikang ha gintambungan hine nga aktibidad ha Calbayog City.
Samtang daw nakada ha kadagatan in ginlapdusan hin makusog nga balod an sakayan pandagat nga ira ginsasakyan hinungdan para ine matunga.
Dayon naman daw hira nga ginbuligan han umagi nga fishing boat san-o marescue han Philippine Coast Guard.
Hapagkayana in aada na ha maupay nga kabutangan an mao nga mga biktima.
Maabaruan nga hi Mayor Caño ngan iya grupo in tikang ha Calbayog City para tumambong ha oath-taking ceremony ni Samar Representative Edgar Mary Sarmiento
