TACLOBAN CITY — Nagtotoo an alkalde han Biri, Northern Samar nga dako nga sindikato an nagtatag-iya han maabot 66 million de pesos nga kantidad hin shabu nga nakita nga nagpapalutaw-lutaw ha baybayon han Barangay Pio Del Pilar, Biri Northern Samar.
Sumala kan Biri Mayor Antonio Delos Reyes, nga posible daw nga tikang ha Luzon an mao nga shabu ngan igtra-transport unta pakadi ha Visayas pero tungod nga maraot an panahon ngan damo an nakabantay nga coast guard in igin paanod nala inin ha kadagatan.
Dugang pa hini nga pira ka beses daw nga may nasipatan nga naglulupad lupad nga drone ngan naglilibot-libot nga yate ha ira baybayon nga posible gihapon daw nga namimiling na han mga shabu.
Photo by: Biri PNP
Mababaruan nga an isla han Biri in naatubang ha munisipalidad han Allen Northern Samar kun diin damo an mga ports ngan gateway pasakob ha Eastern Visayas tikang ha Luzon.
Manunumduman nga ini na an piankadako nga kantidad hin shabu nga narekopo han Police Regional Office 8.
