Mahuman makigpadis kan Venus Williams, posible nga makatumparak naman ni Alex Eala an bugto hini nga hi Serena Williams ha Wimbledon ha All England Lawn Tennis and Croquet Club ha London.
Magigin makuri para kan Eala an ginhihingyap hini nga Grand Slam breakthrough mahitungod ha kabug-at han mga katumparak hini.
Hi Serena in anay World No. 1 ngan 23-time Grand Slam champion.
Kun magdadaog hi Eala ha first round, makakaatubang hini hi Seran nga natagan hin wildcard entry.
Makakatumparak ni Williams ha opening round hi Maja Joint han Australia.
Syahan naman nga makakaatubang han 21-anyos nga Pinay netter hi Renata Zarazua han Mexico ha opening round han nasabi nga Grand Slam event.
Hi Zarasua in anay doubles partner ni Eala ha 2025 Frech Open kun diin nakaabot an duha ha second round.
Ha singles, nagkatapo gihapon hira Eala ngan Zarazua dida han 2024 ha quarterfinals han ITF USA nga nadaugan han Mexican netter.
Bumalik hi Williams ha aksyon ha doubles event han HSBC Championships ngan Berlin Open.
Makikita naman ha mga mulay hini ha double nga nagpapabilin an maupay nga porma hini sanglit ginpapahuman han kadam-an an pagsulod hini ha singles.
