-- Advertisements --
Umabanse ha quarterfinals an Filipino tennis star nga hi Alex Eala mahuman pirdihon hi Russia’s Alina Charaeva ha Birmingham Open .
Madagmit nga nakontrol ni Eala an siyahan nga set pinaagi han solido nga serve ngan early break agud makakuha hin kalamangan ha opener.
Ha ikaduha nga set, mas nagin dikit an mulay mahuman makabiling hin tyansa hi Charaeva ngan makalamang kan Alex. Sugadman, waray bumul-iw hi Eala ngan nagpakita hin grabi nga composure agud makabalik ha mulay ngan magdaog ha nasabi nga match.
Mahitungod ha kadaogan, sakob na hi Eala ha quarterfinals kun diin makakaatubang niya hi Thailand star Mananchaya Sawangkaew.
